Ch'tiot bistrot

bin in dirot que te connos,ej vas là bas j'accate tout dins chés cince même les cabicous,té viendra m'vire in f'ra cuire eu l'viande insemble dins ch'gardin

Cha va ete l'paradis quand té s'ras la bos Chlinsos.
J'ai appelé tin copain y t'imbrasse et y'imbrasse tout l'monte.

Passez eune bonne soirée.

Merci Pascale j'ose pon trop y téléphoner petéte cha l'fatigue,bin quind ej s'rais la bas té viendra nous vire,ch'est biau,a dé

[img][/img] Bonjour tout l'monte l'tiot déjeuner i est servi cachez après l'boutèle Ichi in dirot qui va pleuvoir cha s'rot dommache m'Manman hier (ch'étot eune surprisse) alle est v'nue querre m'tiote pour passer l'journée au zoo aujourd'hui avec s'cousin et pis s'cousine is n's'ront pas trop d'deux ches grands parints pour les surveiller ches zouafes In pus hier j'ai eu eune belle peur m'tiote alle faisot du vélo à toute vitesse dins l'rue alle à quéhue sin g'nou ,sin coute, s'main tout i etot in sang pis in avot peur qu'alle avot butté s'tiête su l'pavé l'guidon d'sin vélo i est tout tordu Du cop j'ai tell'mint été artournée je n'ai minme pas su téléphoner à Didier j'va l'app'ler c'matin .

bonjour mes gins et merci Anso pour l'tchiot dej', , ravisez au bout de ch'comptoir y a eune boutelle de g'nièfe !
Faut y mette un casque à t'tchiote Anso
J'espère que note camarate Didier i s'armet bien et qui va bétôt pouvoir arprinde ses habitutes

huuuuuuuuum! bien appétissant tin croissant et tin café Anne so.

Bonjour tertous,incore eune belle jornée qui queminche.

bonjour mes amis merci pour ch'café Anne et pi merci Cartouche pour l'bistoulle,ichi timps est nuageux ej sais pon si cha viens d'Islande mais l'solel y fait pon vire

annesophie a écrit:[img][/img] Bonjour tout l'monte l'tiot déjeuner i est servi cachez après l'boutèle Ichi in dirot qui va pleuvoir cha s'rot dommache m'Manman hier (ch'étot eune surprisse) alle est v'nue querre m'tiote pour passer l'journée au zoo aujourd'hui avec s'cousin et pis s'cousine is n's'ront pas trop d'deux ches grands parints pour les surveiller ches zouafes In pus hier j'ai eu eune belle peur m'tiote alle faisot du vélo à toute vitesse dins l'rue alle à quéhue sin g'nou ,sin coute, s'main tout i etot in sang pis in avot peur qu'alle avot butté s'tiête su l'pavé l'guidon d'sin vélo i est tout tordu Du cop j'ai tell'mint été artournée je n'ai minme pas su téléphoner à Didier j'va l'app'ler c'matin .

Bin mi ch'est min tiot garchon qui est quéhu ed sin kva, heureus'mint qu'es maman alle étot aveuc, cha a permis à ch'tiot d'éviter ches points ed sutures, comme alle est infirmière. El tiot i tous hars d'avoir es galoche machuquée.. .

ej viens ed parler avec Didier étot contint y pinse a vous tertous,y s'armet tout duchemin y a l'moral ,y voudrot bin v'nir sur l'forum mais y m'a d'minder vous mette l'apéro et les amuses guiffes de s'part alors a l'sinté de ch'gareur d'avion

Jean, hars cha veut dire quo?

Daniel, j'm'in y vas ....merci pour les nouvelles.

Si j'sus pas là c'soir, prevenez didier qu'il appelle les pompiers de l'hopital c 'est que j's'rai perdue quéqu'part...... ch'est un imminse hopital....ch'est à ch'momint là qu'j' argrette de po avoir de portabe!

Allez mes gins ,faut qu'j'déhutte. A c'soir.

Soyez saches mais pas trop!......

y va éte contin t de t'vire fais y inne bise sur sin front

valà ,valà, n'appelez pas ches pompiers, j'ai bien trouvé!

Didier vous embrasse, je l'ai trouvé assis dins sin fauteuil, y s'lèffe d'pis hier et ch't'aprèm y sont sont v'nus l'faire marcher un peu. Y a toujours s'perfusion et un appareil qui mesure ....ch'j'sais po quoi!
Y étot contint de m'vire . y a aussi été faire eune echographie pendant qu'j'étos là, tout allot bien.

Y pinse bien à vous, y vous invoe eune grosse baisse.

merci Pascale cha fait plaisi d'avoir des nouvelles d'note camarate

merci Pascale ej pinse qui a été contint de t'vire

Bonjour bonjour Cha i est l'tape alle est misse i a tout c'qui faut par d'zeur . [img][/img] J'sus bin continte qu'Didier i va bin Ichi ch'est bizarre in dirot que l'ciel i est gris chinte Bon aujourd'hui pour eune fos mes n'veux is n'viendront pas bin ouai ch'ti quate ins ed mi i va faire des examens pour s'vue du cop in a arporté leu journée à vindredi .D'main min Papa i va v'nir pour décoper l'restant du mimosa pis monter un argentier (m'Manman alle veut canger s'salle à minger in bos du cop j'ai d'jà un morcieau ,alle veut du moderne !) Bon j'vous dis à t'à l'heure mes camarates .Aujourd'hui in rintre dins l'signe des taureaux in astrologie alors attintion à l'amour vaque

bonjour à tous et merci Anne so pour ch'pétit déj.

j'avos jamais intindu cha.....l'amour vaque pour ches taureaux.....j'sus pliée de rire...
Profite pour arposer tin g'ou Anne so.

J'écrirai pas grammint incore aujord'hui et demain, après cha ira miux.(in principe)

Passez eune bonne journée.

j'ai fait ed min miux, mais te m'a battu AnneSo, ej n'argrette rin pace que aveuc unne tape comme cha, i y a qu'un qui pourrot bertonner; Hars (fier) un l'attindot pos souvint dins ches corons, mais ch'est un ed ches nombreux mots qu'un taïon i dijot. I v'not d'un villache al limite ed la Somme. Un fait ch'est un tchu terreux qui est d'vu gueule noirte
(ej dit cha sins li minquer ed respect).
Contint d'avor des nouvièles ed Didier, asteur ch'est unne question ed tans. J'y in souhaite du pus biau qu'ichi su l'fronti're. Bon aujord'hui in a nous tiots écoliers belche à minger, ej va cor éte obligé d'éclairchir em vox pou qu'is restent un plache
[img][/img]

bonjour mes gins et merci Pascale pour ch'tchiot déj' . ichi j'cros qui vas faire biau, y a déjà un rayon d'solel

Cartouche, té l'fais esprès pour m'forcher à écrire? lol
Ch'pétit déj ch'est Anne so, mais comme j'ai querre qu'in m'interpelle, j't'armercie et j'te pardonne......

Jean, merci pour t'n'explication, j'avos jamais intindu mais té sais am mason , in n'a jamais parlé patois....tout ch'que j'sais cha vient d'mes taïons qu'j'avos fort querre, eux n'parlottent que patois.Bonne journée avec tes tchiots

Maceju, et chlinsos bonne journée.

A c'soir.

mille escusses Anso j'ai fait un lape suce euh....!! lapsus

Bin ch'n'est pas grafe t'es excusé Cartouche j'sais bin qu'arrivé un certain ache faut mette des leunettes pis qu'in a l'cerveau lint Sins rancune

bonjour mes gins ichi in biau solel,mais ej peut pon daller pique niquer,y a ,a faire a l'baraque

[img][/img] Bin cha alors j'voulos mette eune imache pis j'avos invoïé l'dissertation d'min tiot à l'plache du cop j'rigolo tell'mint qu'mes tiots is sont désespérés Bon pour l'digération eune tiote goutte ed jus avec des tiots biscuits chigarettes russes cha vous tinte? Du moins si vous n'êtes pas tertous au pieu ...Pascale v'là m'tuile serviettée sur l'thème de l'mer [img][/img]

mi j'fais jamais la sieste alors j'veux bin eune jatte d'café avec eune tchiot goutte d'intigel, merci Anso

Cha i est ch'est versé bon à s't'heure j'passe min aspirateur bin ouai faut bin d'timps in timps Eune imache ed min touret vin nan qu'ch'est rute à trouver cha dins l'midi des tourets [img][/img]