Ch'tiot bistrot

Ch'est l' fiète su l' forum...in va guincher chucher à l' sinté d' nou patron , et eune tournée aussi pou Spiga, merci Spiga!

bonjour mes gins bien contint que l' patron va mieux

Bonjour mes camarates .Ichi l'solel brile mais i a du vint Eune grosse baisse à tertous

Bonjour Tertous,
J' viens d'avoir min frère au téléphone, y est fort affaibli
Y a toudis pas l' drot d' minger, in l' nourrit par sonde et pis y a aussi el' fatigue de l' opération
Y pinse qui va p' tête bientôt s' connecter ( y a s' n'ordidateur portabe avec li ) mais avint y li faut des forches. Dés qu'y peut, y va sûremint poster un tchiot messache pour vous autes tertous ! mais patience !

Merci Spiga Cartouche i dot prinde soin d'li j'sus bin contente qu'i arrife d'jà à parler au téléphone minger faut qu'cha s'arcouse quand minme J'vous imbrasse tertous amitieuss'mint

Cha fait tant d' bin de t'lire! Bin Sûr, Cartouche i dot aprinde des forches, i faut du timps ! dis li, stp dis li à ch' télépnone combien i compte pou nous tous! qu'i prenne son ed' li, et tout duchemint , tout va rintrer dins l'ordre!mais i faut gramint du timps car cha été eune grosse opération! déjà, faut qu'i arceumiche à minger, cha ch'rot eune étape!..pis tout duchemint ...étape après étape..i s' arconstruira! Merci Spiga d'êtes là, pou nous, ouias te nous fait gramint du bin !

Douche soirée mù'z'amis a dé

Spiga a écrit:Bonjour Tertous,
J' viens d'avoir min frère au téléphone, y est fort affaibli
Y a toudis pas l' drot d' minger, in l' nourrit par sonde et pis y a aussi el' fatigue de l' opération
Y pinse qui va p' tête bientôt s' connecter ( y a s' n'ordidateur portabe avec li ) mais avint y li faut des forches. Dés qu'y peut, y va sûremint poster un tchiot messache pour vous autes tertous ! mais patience !

bonne nuit mes camarates eune grosse baisse

Mais chus si heureusse ed 'travaler...mi, avec min piano, pis l'zautes instrumints qui sont avec mi, ch'est si biau! in dirot eune grinde prière, in dirot comme quette cosse qui monte vers Diu!...ch'est biau t' sais cha t'importe l'âme là-haut ...t'es pus su tierre!
Ouais nou Cartouche i va guérir! i vas nous arvenir .. et cha va nous faire tell'mint d' bonheur!
J' vas d'aller dins ch' Nordà Henin ! in preume , min sac a dos , et pis .un molé d' patos in mémoire, et ..j 'essayerai d' faire ...les :innnnnnnnnnnnnnnnnn, avec tous mes poumons , au moins j'arai l'accint hein? mais j' vas rester quêques timps dins ch nord et j'emmène: manicraque tel ....veut pon ête séparée d' vous...........
eune douche nuite m'zamis !j frame ch' bistrot, vous savez dù qu'alle est l' clé hein?

Bonjour mes camaartes j'ai trové l'clef t'as vu Malyne Bon j'mets l'tiot déjeuner i a pus qu'à .Ichi l'ciel i est drole in va avoir l'drot à l'pleufe Eune grosse baisse à tertous et cha eune grosse baibaisse amitieusse pour Cartouche et pis s'finme

ichi i fait biau ch' ciel est bleu, chus ndins ches hopitaux aujord'hui!j'arpasse ch soir , bonne jornée à tertous

Bonjour à Tertous,
Cartouche y s'artappe, ch't' in dur, un battant !
J' l' ai eu au téléphone ed' t' à l' heure et bin sûr in intind qu' y est incore faible mais in sint bin qui va d' jà mieux.
Y vous prie à tertous el' bonjour et d' ichi peu y va sûremint v' nir vous faire in tchiot coucou mais patience faut qu' y arprenne des forches !
Allez mes gins, j' vous souhaite eine bonne soirée et eul' tournée ch' est pour mi !

in est bénache que Catouche, i va miux, faut pon aller vite, duchemint i va s'in sortir! ch'est vrai que ch'est un battant, mi, j' l'avos écrit ...faut affronter ch'te saleté d' maladie, pou arriver à l' vaincre! Spiga, dis li, combien ichi, in est attintif à ses progrès, qu'i prenne sin timp, avant d'arvenir! nous in comprind tout, et in l'attinds quind i pourra! Merci Spiga, après t' tournée et bin ch'est l' mienne, et pis, ch' docteur eh bin i m'a dit que j'iros gramint miux..après un molé cop d' rouche! Sinté Spiga!

Bonsoir mes camarates .Merci Spiga fin bénache que Cartouche s'arquinque l'contraire m'arot étonné Bon mi j'arviens d'ch'est l'méd'cin j'ai cor eune entorse à m'chevile Bonne soirée mes gins .Eune grosse baisse à tertous

j' laiche ichi, eune 'rassaquache "' ej' sais pon l'ortographe, ch' dico, m'arfusse ch' mot!
pis j' laiche auchi un patrouillard ! Douche nuite m'z'amis

mais vous savez dù qu'est l' cléf, pou cheux qui n' dorm'tent pon

Bonjour ,bonjour ichi l'pleufe alle est d'artour que mos d'juin pufff ! Bon i a tout c'qui faut pour commincher l'journée j'ai minme mis l'musique des Capenoules Eune grosse baisse à tertous et pis Cartouche in t'a quer mais cha té l'sais Eune baisse amitieusse à Madame auchi

-------

https://chezcartouche.forumactif.org/viewtopic.forum?t=57