VOUS ECRIVEZ ? ALORS CH'EST ICHI

Em man savot faire l'indoulle
jeangabelou59 Aujourd'hui à 11:40

T’es in route à faire l’indoulle finme ? Quind j’éto tiot, j’intindo souvint min père dire cha à man. I faut dire qu’à nou mason in avot querre l’indoulle, ches infants fesotte à leu fachon, in n’d’vot pos nos forcher. Em man alle, ch’est in l’mettant su ch’fu, qu’alle réuchissot l’miux
Pace que l’indoulle in question, chétot des boïaux ed pourchau !
Bin souvint, chelle qu’in acate amon d’ech charcutier, alle a unne piau noirte comme ech carbon ou bin alle est pâle comme si qu’alle avot nager tros s’maine dins l’bouillon.
Nos el note, es piau alle étot dorée comme ech caramel, pace qui faut dire que ch’étot d’l’indoulle finquée. Et pis atincion, cha n’étot pos ed l’indoulle pou glout-bièc ou bin langreus, alle étot quéqu’fos lonque comme el bras ed min père.
Ch’est pos tout cha, mais chette indoulle, i fallot l’mériter. Ch’est min père qui s’dévouot pou daler, aveuc sin biclo, l’acater sur ch'marké ed Lens ou bin ed Lièvin. Là i treuvot un charcutier qui v’not ed Thélus, i n'y a qu’li qui in fesot. In rintrant ale maison, in savot quo qu’i avot dins sin cabas, rin qu’au sintimint ed funkére . Que spectake ed vir sortir chette pièche, in aurot dit unne grosse agule (anguille).
A partir ed là, ch’est man qui prenot ches opérations in mains. Alle incrinkot l’indoulle à un clau derrière l’étuve, pou qu’alle sèque tout duch’mint. Ches gins qui v’notte à nou mason, is savotte « qu’ichi in allot bintôt minger ed l’indoulle ».
Chele vèle d’ech grind jour, min père i dalot dins sin courti pou déracher (arracher) tout cha qui fallot comme légunme, pou faire unne soupe ed rassacache.
Après ch’est dins l’pièche à tout faire qu’man alle pleumot « éplucher) ches carottes, rapes, porions, peimmes- tierre, un gros chou frisé, ches ortèles ed curé (gros haricots blancs) et des pos d’chuc quind chétot l’momint.
Cha fait gramint tout cha vos m’direz, bin nan, l’indoulle alle a querre chele compagnie. I restot pus quà faire canter l’marmite tros heures. Que cha sintot bon, minme ches nactieus et autes nareus, is arotte fait des filets su leus minton.
I fallot vir chette platrée d’sus l’tape, un hiver in voïot pus à travers ches cassis, tell’mint qu’i avot d’el buée. J’ai oblié ed dire qu’l’indoulle alle étot si malheureusse tout seue, qu’man alle li mettot unne pièche ed lard et unne gambette pou li t’nir compagnie !
A vièpe (soir) chétot l’rassacache écrasé aveuc du bure et un ognon, rin qu’dit pinser j’in fait des filets. Qu’chétot bon, surtout qu’l’indoulle alle avot arfrodi al cafe.
Pis, comme gramint ed cosses, ech charcutier i a treuver qu’chétot pos rintape, du cop ale mason, in n’a pu fait l’indoulle à par mi et mes sœurs, mais cha, ch’est aute cosse……..

Ches viux

Par Mincoin le mercredi, février 25 2009, 12:02

Li, sin nez collé su ch’cassis
Ale, près d’sin fu toudis assis
A acouter ches tics et tacs
D’eune pindule souvint à rake;

Is sont écrampis, sins courache
D’avoir trop saqué su l’ouvrache.
Tous les cate dogts is s’arvètent.
Parler,pou eus ch’est eune risette.

Te tousses min homme, bos du chirop,
Laiche cha femme,te vas t’faire du mau
Ch’est comme cha ed pis sossante ans
Is s’font pu d’baisses,mais ch’est avand.

Hein femme, in est ichi comme des leus
A’s’t’heure in est toudis tout seus.
Quo que t’in pinses,in minge nou potache?
Ch’est s’qu’i a miux,pou des gins nous âches.

Is botte duch’mint eune tiote jatte,
Pis s’lèv’te in traînant leux chavattes.
Ech carillon buke ches sièt cops,
Qu’déjà,dins ch’lit is sont au caud.

Avand : vieux mot de patois Picard signifiant profond.

Jean Marie Klavzer

mi j'pourros lire des textes comme cha pindant des heures sans m'lasser

vraimint qué biele indoule que voilà !!!!!!!!!!!!!!!

Finette
Que bieau nom pou un cat
Surtout quind in ignore,
S’i est file ou castrat.
el doute plane incor.
Un bieau jour i est apparu,
Cachant gîte et couvert,
Tel un brimbeux dins l’rue,
Qui treufe un bistro ouvert.
Sin r’gard ed viux sache,
Perchant em n’âme d’humain,
Espèrot un présache,
Signe ed bieaux lind’mains.
Présintant em faiblesse,
Nou greffier insista
Attindant des caresses,
Et l’télètte ed gala.
D’un tiot et noir carin,
Avinchant soucard’mint,
Finette pou es loger,
Conquit nou log’mint!
Pos mal ed timps a passé.
In hiver, près d’ech fu,
Dins ch’ gardin in été,
Pus bénache qu’dins l’rue.
[img][/img][center]

merci Jean , vla core eune bielle pièche d'poésie

Rin que pou ch' plaiji de t' lire STP

les vagances (copyright.france)

quind in pouvot aller in vagances
avec mes parints in allot pas long
pour tout dire in quittot pon l'France
piqsqu'in allot toudis à merlimont

in étot bin contint d'vire la mer
cha nous cangeot bin d'note coron
in oubliot nos tracas nos misères
ch'étot un peu note deuxième mason

tous les jours in allot à l'plache
in s'baignot pindant des heures
après in cachot des coquillaches
des coutiaux des zénons que bonheur

in juot aux boules ou au dragon
in courant pids nus dins ch'sape
in rintrot noir comme du carbon
l'lendemain in allot tous à Etapes

pour minger des moules et des frites
pis un cornet d' glache ch'étot bon
là l'temps i passot vraimint pus vite
que quand in étot dins note coron

l'soir pon d'télé in juot au dada
au nain jaune ou bin à l'belote
j'peux dire que chés momints là
j'aros pon laiché m'plache à un aute

quand les vagances étotes finies
qui fallot rintrer à note mason
in disot arvoir à tous nos amis
i fallot artouner dans nos corons

Bierlair René dit cartouche

Bravo Cartouche ch'est bieau et pis criant d'vérité j'connos Merlimont mi aussi j'y sus aller in vacances avec mes parints

j'cros bin qu'in a tertous été un jour ou l'aute à Merlimont

mi, j'allos pas à Merlimont mais pas bien loin,et quand j'rintros am mason pour l'rintrée des classes , j'peux vous dire que ch'étot dur.

Bin mi étant tiot in est jamais parti in vagance. Ed timps in timps in prenot ch'train pou daler au Portel, sauf em mère alle avot pos querre voïager
Quind in rintrot, bin mate, ale avot toudis el dernier mot « mi j’ai pos b’soin ed daler porm'ner, in met du sape tout plein l’majon, ches loques is sintte ech pichon à kinze mètes, heureusemint qu'm'in tiot i m'a ram'né des coquillaches,li, pace que sin père i n'a même pos busié à m’acater unne pugnie eud guernades".(crevettes)

Tant d' bieauté m'font vibrer comme des notes d' musique qui pénétr'ent min coeur! l' percute !

In t'acoute, in s'arrête sur un mot ,pou in mesurer , l' sins , l' profondeur, l'intinsité,
Iin n'a pon invie d'artoner sur tierre, in aurot invie d' dire.continu Jean ! ch'est si bieau qu'in n' voudrot jamais que cha finisse!
Ch'est un instant d' paradis.avec ti......
té nous importe dins tin ..infance si bielle! si pure et si rute à l' fos !
excusse mes fautes........;je suis troublée par tant de bieauté, je sus comme transportée dins l'au de là, comme avec min piano


merci, Jean , vraimint merci

A quo qu’cha sert

A quo qu’cha sert un cœur pépère ?
A batte fort pou ti quind i t’vot brère
A éte défoutu quind t’as du mau,
Guiler d’plaigi in t’véyant tout bieau.

A quo qu’cha sert ches fleurs mémère ?
A fièter tous cheux qu’in a caire
Ches fleurs ch’arsinnent à un poème,
Comme qui dirot l’ bonheur qu’in sème.

Ches gins is sont mordreux pépère,pourquo ?
Ch’est qu’is ont freumé leus cœurs min tiot.
Achteur in sème ed l’herpe al plache des fleurs,
Du cop is z’oublitent ch’que ch’est l’bonheur.

J MK


Mordreux = méchant
Guiler= couler

ch'ti là j'l'ai vraimint querre ,Jean, ch'est tout in dintelle tout in émotion

J'in ai l'chair ed glaine Jean (cha s'dit cha ??? )

annesophie a écrit:J'in ai l'chair ed glaine Jean (cha s'dit cha ??? )

pourquo pon !! mais mis j'aros écrit chair d'glaine (si te lis les deux te verras que cha s'prononce parel)

mi aussi j'ai querre tin poème Jean, jé l'avos lu quéque part et copié collé ......pour l'offrir un jour à m'tite file......

Merci Cartouche , alors comme cha in fait des copies colles in muchette Pascale ch'n'est pas bieau cha !Surtourt qu' mi j'fais parel CHOLAILLE

T'étrinds ches tripes et t' fais braire !
Tin texte Jean , est à lire et à méditer profondémint
L' bonheur quind in l'n tient , faut savoir l' garder, l'apprécier, et l' vife ! d' toute s'n âme d' tout sin coeur !
Faire un sourire a ch' bonheur li ouvrir sin coeur , savoir l'acceuillir , i y restera
S' dire que ch'est eune câleur, au fond d' sin coeur et l' vife avec amour !
Toudis et toudis pus d'Amour, chaque cosse même pitite ch'est du bonheur..ch'est eune perle d'amour!
Tin poème est magnifique! j' l'mmène avec mi, pou l' lire cor et cor! Ainsin que l' tien , Maite !che sont des chefs d'oeuvre.que l'in peut pon s'arrêter de lire.tant chaque mots percutent.....
Merci incor......tout deux .

j' les importe avec mi , pon b'son d'arcopier
Dins m'n' coeurs is sont gravés
is s'ront min soleil ches jors d'timpête

alors comme cha in fait des copies colles in muchette Pascale ch'n'est pas bieau cha !Surtourt qu' mi j'fais parel CHOLAILLE

Quand ch'est bio , ch'est bio.

Paul VERLAINE (1844-1896)


Ballade en rêve
Au docteur Louis Jullien.

J'ai rêvé d'elle, et nous nous pardonnions
Non pas nos torts, il n'en est en amour,
Mais l'absolu de nos opinions
Et que la vie ait pour nous pris ce tour.
Simple elle était comme au temps de ma cour,
En robe grise et verte et voilà tout,
(J'aimai toujours les femmes dans ce goût),
Et son langage était sincère et coi.
Mais quel émoi de me dire au débout :
J'ai rêvé d'elle et pas elle de moi.

Elle ni moi nous ne nous résignions
À plus souffrir pas plus tard que ce jour.
Ô nous revoir encore compagnons,
Chacun étant descendu de sa tour
Pour un baiser bien payé de retour !
Le beau projet ! Et nous étions debout,
Main dans la main, avec du sang qui bout
Et chante un fier 'donec gratus'. Mais quoi ?
C'était un songe, ô tristesse et dégoût !
J'ai rêvé d'elle et pas elle de moi.

Et nous suivions tes luisants fanions,
Soie et satin, ô Bonheur vainqueur, pour
Jusqu'à la mort, que d'ailleurs nous niions.
J'allais par les chemins, en troubadour,
Chantant, ballant, sans craindre ce pandour
Qui vous saute à la gorge et vous découd.
Elle évoquait la chère nuit d'Août
Où son aveu bas et lent me fit roi.
Moi, j'adorais ce retour qui m'absout.
J'ai rêvé d'elle et pas elle de moi !

ENVOI

Princesse elle est, sans doute, à l'autre bout
Du monde où règne et persiste ma foi.
Amen, alors, puisqu'à mes dam et coût,
J'ai rêvé d'elle et pas elle de moi.

j' rintre du travail, alors pou m' détendre je querre des poèmes cTendresse
Par Mincoin le vendredi, mars 20 2009, 07:53

Un émouvant poème de Renée Pierre-Lambert de Denain

I est d'jà six heures, v'là l'soir qui quait,
Ch'est l' momint d'alleumer l' quinquet,
Tout i arluit dins m' pétit' cuisine,
Y a plain d'iau caud' dins ein' bassine,
L'infant i est bin amicloté,
Les poul's i z'ont eu leu paté,
A ch't' heure ej' vas pouvoir m'assir,
Y a des quauchett's à rassarssir.
I fait chi bon, cha sint l' fricot,
Y a du mouton aux z'haricots.
Ch'est l' pus biau momint dé l' journée,
Cha m' fait drôl', j' sus tout' artournée,
J'ai des catouilleux dins tout l' corps,
Ch'est com' si qué fréquentos cor.
Jé l' rattinds com' ein' amoureus' ;
Sitôt qu'i arrif', j'é m' sins heureus'.
I dit si bin : Bonjour tiot' quette
In m' faisant des bais' à bouquette.
Vous n' pinsez point qu' pou un ménach',
Ch'est biau, après dix ans d' mariach' ?

h'tis ! y sont si bieua que j' vous les arcopie:

Alle est si bielle, et j'ai querre tout cha qui est si bin écrit!
Merci a ti Maite, pasque sins " la classe" je seros incapape d' povoir même lire!
v'là chi l' texte!
Tiote, viens donc vir...
( d'après Ronsard)

Hé, tiote, viens donc vir dins ch' gardin
Si chelle rose, équ' timpe* à ch' matin,
S'étot dessaquie* d'sin saclet*
Et qui s'ardrèchot* si fièremint
Avec un si fraîche sintimint,
All' n'est point, à ch' t'heure-chi, pamée*!

In peu d' temps, ravise* ichi
Commint qu'all' est dev'nue toute réquerpie*.
All' étot si bellote à ch' matin,
Et pis l'voilà toute desséquie* !
Crénom des os, que tchienne ed' vie !
In n'a vraimint pus l' temps d'arien*.

Té sais, tiote, oeuv' bin tes orelles !
T'es là qu' t'es belle comme un solel !
T'es à croquer, té pètes el' fu !
Alors, profite pindant qu' t'es jonne !
Parc'quand qu'té s'ras comme eun' vielle pronne*
Personne d'sus ti n' s'artourn'ra pus !

Mis en chti par José Ambre